Google ADS

Inzagi me dhimbje koke, Strakosha demtohet te brinjët

19:13 | 12 Mars 2018
Arbresh.info

Portieri i Lacios, Tomas Strakosha ka pësuar një dëmtim gjatë ditës së djeshme në ndeshjen përballë Kaljarit e mbyllur me shifrat 2-2.

Në aksionin e golit të parë, të shënuar nga Kaljari, Strakosha u përplas me njërin nga mbrojtësit e ekipit të tij, duke u dëmtuar në pjesën e brinjëve.

Përplasja nuk u duk shumë e rëndë, pavarësisht se Strakosha po ndiente dhimbje dhe arriti ta përfundonte ndeshjen pa pasur shqetësime.

Gjatë ditës së sotme, Strakosha është parë të shkojë në qendrën mjekësore të Lacios, “Paideia”.

Siç raportojnë mediat italiane, Strakosha ka ndierë dhimbje dhe është detyruar të kryejë vizita, ndërkohë që trajneri i Lacios, Inzagi mund ta lërë pushim në stërvitjen e nesërme, në mënyrë që të jetë i gatshëm për ndeshjen e Ligës së Europës./Erjon allaraj- Vipsport.al/

Shpërndaje në rrjete sociale

Lajmet më të lexuara

Të ngjashme

Foto lajm